سفارة مصر بالكويت لا تريد التعاون مع الجالية المصرية لتسجيل بياناتهم

الموضوع باختصار هو موضوع تسجيل المصريين المغتربين في قاعدة بيانات الناخبين المغتربين واللى كان حق مهدور سنين طويلة وإحنا كمصريين حريصين جدا جدا على تفعيل الدور دة وعلى انجاح التجربة دي وعشان كدة اتجمعنا عدد كبير علي الفيس بوك في اكتر من جروب زي http://www.facebook.com/groups/MOTECIK/?notif_t=group_activity http://www.facebook.com/pages/%D8%AC%D9%85%D8%B9%D9%8A%D8%A9-%D8%A7%D9%84%D9%85%D8%B9%D9%84%D9%85%D9%8A%D9%86-%D8%A7%D9%84%D9%88%D8%A7%D9%81%D8%AF%D9%8A%D9%86-%D9%81%D9%8A-%D8%A7%D9%84%D9%83%D9%88%D9%8A%D8%AA/150189188353040 http://www.facebook.com/groups/elections211/ http://www.facebook.com/groups/197966353553692/ http://www.facebook.com/Egyptiansinkuwait?ref=ts وغيرها كتير عشان نعمل حملة سميناها (حملة شباب واعي التطوعية .... من أجل مصر أفضل) لتنفيذ حملتنا الوطنية " سجل صوتك ... إنت مصري" وعشان نساعد ابناء الجالية المصرية هنا في التسجيل عن طريق الموقع الالكتروني المحدد للتسجيل http://www.elections2011.eg/index.php/2011-11-09-20-01-43 وعدد كبير هنا عنده استعداد كبير قوي للتطوع بالنزول وسط الناس والعمال والشركات عشان نعمل لهم توعية ونعرفهم اهمية تسجيل بياناتهم ونساعدهم في التسجيل للى ما بيعرفش يستخدم الانترنت كل اللى احنا طلبناه تعاون من القنصلية العامة المصرية المعنية بشؤن الجالية على الأرضي الكويتية وأن الحملة تكون تحت مظلة السفارة تحسبا من تفسيرها تجاوزا لقوانين الدولة اللى احنا مقيمين فيها اللى بتمنع التجمعات وغيرها عالأقل نبقى زينا زي ما حصل هنا مع الجالية التونسية وتنسيق سفارتهم للعملية الانتخابية مع الجهات الأمنية هنا في الكويت كل اللى طلبناه تصريح محدد المدة ابتداءا من اول يوم تسجيل وينتهي بانتهاء التسجيل الالكتروني لمجموعة من الأشخاص يسمح لنا بالتواجد في الأماكن العامة ويخلينا نساعد الناس انها تسجل لكن القنصلية كانت اجابتها انها ملهاش اى علاقة بالموضوع دة وانها ملهاش اى دور فيه ومش مسؤلة عن اى حد مننا لو حصل وانه تعرض لاي مشاكل مع الجهات الأمنية هنا فالكويت والتحذير بان لو اى حد مننا عمل اى حاجة حيقولوا انهم بلغونا بغخلاء مسؤليتهم فين حين اننا مجهزين كل شئ يخص الحملة التوعوية من بروشورات وفلايرز واستمارات تسجيل ومجموعة كبيرة من الشباب والبنات جاهزين ينزلوا بسياراتهم ولابتوباتهم في الشارع ويساعدو الناس من غير مستخدمي الانترنت في التسجيل ويحشدوا باقى ابناء الجالية للتسجيل كانموقف سفارتنا مننا انها رفضت التعاون في الوقت اللى فيه سفارات وقنصليات مصرية في دول تانية كتيربتدعم أبناء الجالية فيها وبتساعدهم في التسجيل بوسائل جديدة تستخدمها السفارات المصرية لمساعدة المصريين في التسجيل لجأت كثير من القنصليات والسفارات المصرية بالخارج لاستحداث طرق لمعاونة المصريين المغتربين على تسجيل أنفسهم والمشاركة فى عملية التصويت فى الانتخابات المقبلة. وذكرت مصادر دبلوماسية أن البعثات المصرية لجأت لجميع السبل المتاحة لتعريف المصريين بكيفية التسجيل مباشرة على الموقع الاليكترونى للجنة العليا للانتخابات أو بتوجههم إلى البعثة الدبلوماسية المصرية التى تعاونهم على التسجيل من خلال موظفى وأجهزة الكمبيوتر لدى السفارة أو القنصلية ، وفيما يلى بعض النماذج للوسائل غير التقليدية التى لجأت إليها السفارات لضمان ممارسة المصريين فى الخارج لحقوقهم السياسية. فقد قامت السفارة المصرية فى دكا باستخدام خدمة الرسائل النصية الهاتفية لإبلاغ كافة أفراد الجالية المصرية فى بنجلاديش بضرورة التسجيل على موقع اللجنة القضائية العليا للانتخابات، وكذلك لإبلاغهم بترحيب السفارة بجميع المواطنين لمساعدتهم فى تسجيل أنفسهم من داخل مقر السفارة فى حالة عدم مقدرتهم على تسجيل أنفسهم على الموقع. كما قامت القنصلية المصرية العامة فى هامبورج بألمانيا بتعميم إعلان حول التسجيل وإرساله إلى جميع الاتحادات والجمعيات المصرية فى شمال ألمانيا، ووضع الإعلان على صفحة القنصلية على الفيسبوك، وكذلك تعليق الإعلان فى المسجد والكنيسة المصريين. ومن جانبها، قامت السفارة المصرية فى استكهولم بوضع تنويه منفصل على كل من موقع السفارة وصفحة السفارة على فيس بوك يتضمن كافة الإجراءات المطلوبة للتسجيل مع رابط اللجنة العليا للانتخابات ، كما وضعت الملصقات التعريفية في مختلف أرجاء القنصلية، بالإضافة إلى إرسال رسالة بريد إليكترونى لكافة المصريين المسجلين لدى السفارة تتضمن كافة المعلومات الضرورية ورابط اللجنة، وكذلك التنسيق مع النادي المصري فى استكهولم، والذى تم إنشاؤه حديثا بتسهيلات من جانب السفارة، للترويج للعملية الانتخابية لدى كافة أعضائه. وفى روما، نظمت السفارة لقاء لرموز الجالية المصرية جرى خلاله تفصيليا شرح نظام التسجيل والخطوات التى اتخذتها الحكومة لضمان ممارسة المصريين بالخارج لحقهم الانتخابى، كما أنشأت السفارة وحدة خاصة بداخلها مزودة بأجهزة حاسب آلى متصلة بالانترنت لاستقبال المواطنين الراغبين فى المعاونة على التسجيل، وتم خلال الاجتماع الاتفاق على إبلاغ الجاليات المصرية فى أماكن تجمعها فى الأقاليم الإيطالية، والإعلان عن التسجيل أيضا لدى دور العبادة المصرية فى إيطاليا. وقد اتخذت القنصليات المصرية الموجودة بالدول ذات الكثافة العددية العالية للمغتربين المصريين إجراءات خاصة للتعامل مع العدد الكبير من المصريين المتوقع قيامهم بالتسجيل، فعلى سبيل المثال قامت القنصلية المصرية فى العقبة بتدريب جميع أعضائها على معاونة المواطنين على التسجيل من خلال مناوبات متصلة طوال أيام التسجيل التى حددتها لجنة الانتخابات، كما أجرت القنصلية اتصالات مع رؤساء الشركات الكبرى التى تعمل بها أعداد كبيرة من المصريين وبقيادات الجالية المصرية فى العقبة ومعان والكرك والطفيلة لإخطار أفراد الجالية بمواعيد التسجيل واستعداد القنصلية للمساعدة، كما طلبت القنصلية من شيوخ الأزهر الشريف المعارين للعقبة تعميم المعلومة على أعضاء الجالية فى المساجد. كل اللى احنا محتاجينه منهم أننا نشتغل تحت مظلة القنصلية زينا زي اى جالية سفارتها مهتمة بشأنها الوقت بيضيع مننا وفي تعتيم وشكاوى كتير ولو ضاعت مننا الفرصة دي يبقي ضاع مننا الماضي والحاضر ومستقبل ولادنا كمان

البطل الحقيقي لنصر أكتوبر : الفريق سعد الدين الشاذلي رحمه الله

بطل نصر اكتوبر الحقيقي: الفريق سعد الدين الشاذلي رحمه الله، اللي ما استفادش حاجة 

اضغط على الصورة عشان تحمل مذكراته

الفاتحة موهوبة لروح بطل النصر سعد الدين الشاذلي:
بسم الله الرحمن الرحيم، الحمد لله رب العالمين، الرحمن الرحيم، مالك يوم الدين، إياك نعبد وإياك نستعين، اهدنا الصراط المستقيم، صراط الذين أنعمت عليهم غير المغضوب عليهم ولا الضالين.
سلام على روح البطل سعد الدين الشاذلي، السلام عليك أيها الشريف ورحمة الله وبركاته، أنتم السابقون ونحن بكم إن شاء الله لاحقون

نقلاً من مدونة جبهة التهييس الشعبية للكاتبة نوارة نجم

السرقة العلنية لثروات مصر - منجم السكري

وصول 137 كيلو ذهب من منجم السكرى إلى مطار القاهرة  الخبر من موقع بوابة الأهرام   5-10-2011

استقبلت سلطات مطار القاهرة اليوم الأربعاء 137 كيلو جرامًا من الذهب، لدى وصولها من منجم السكرى على متن طائرة خاصة من مرسى علم، تمهيداً لنقلها إلى مدينة 6 أكتوبر لإنهاء إجراءات شحنها بعد ذلك إلى الخارج، لتنقيتها فى معامل متخصصة وبيعها فى البورصات العالمية واقتسام ثمنها.
قام رجال الأمن بالمطار بوضع كردون أمنى حول الطائرة، وتم تفريغ حمولة الذهب داخل سيارة مصفحة غادرت المطار وسط حراسة أمنية مشددة إلى مدينة 6 أكتوبر.
وقال حمدى القاضى، وكيل وزارة المالية، لجمارك قرية البضائع بمطار القاهرة، إن سبائك الذهب قبل سفرها خلال الساعات المقبلة ستحصل على الموافقات اللازمة من الجهات المصرية المختصة، خصوصا مصلحة الموازين والتمغة وهيئة الثروة المعدنية بوزارة البترول، حيث تتم عمليات تنقية لتصل إلى 99.9 بأحدث الأجهزة غير المتوفرة فى مصر، ثم يتم بيعه فى البورصات العالمية وتحصل الحكومة المصرية على نسبة 3 %، على أن تتقاسم كامل الإنتاج بعد استرداد المستثمر الأجنبى كامل مصروفاته.

http://gate.ahram.org.eg/News/123421.aspx

إنهاء حالة الطواريء

أعلن أنا مدحت نبوي إنتهاء حاله الطواريء بنهاية سبتمبر الجاري بموجب الإعلان الدستوري وأرفض تمديده وأعتبره لاغيا

نص شهادة طنطاوي في محاكمة المخلوع

س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟

ج1 : الاجتماع كان برئاسة رئيس الوزراء واعتقد أنه بلغ .

س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟

ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس .

س3: ما الذي أبداه رئيس الجمهورية في هذه اللقاءات ؟

ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها و كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة و القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائد القوات المسلحة و أعطي الرئيس الأمر لقائد القوات المسلحة اللي هي نزول القوات المسلحة لتأمين المنشآت الحيوية وهذا ما حدث .

س4 : هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين؟ و استعمال قوات الشرطة القوة ضد المتزاهرين بما فيها استخدام الاسلحة الخرطوش والنارية من 25 يناير حتي 28 يناير ؟

ج4 : ليس لدي معلومات عن هذا واعتقد ان هذا لم يحدث .

س5 : هل ترك رئيس الجمهورية السابق للمتهمين المذكورين من أساليب لمواجهة الموقف ؟

 ج5 : ليس لدي معلومات .

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟

ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران .

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟

ج7 : ليس لدي معلومات .

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟

ج8: إنا معنديش معلومات بكده.. الاحتمالات كتير لكن مفيش معلومة عندي .

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟

ج9 : إنا معرفش ايه اللي حصل .

س10 : هل تستطيع سيادتك تحديد هل كانت هناك عناصر أخري تدخلت ؟

ج10 : هي معلومات غير مؤكدة بس اعتقد ان هناك عناصر تدخلت .

س11 : وما هي تلك العناصر ؟

ج11 : ممكن تكون عناصر خارجة عن القانون .

س12 : هل ورد لمعلومات سيادتك ان هناك عناصر اجنبية قد تدخلت ؟

ج12 : ليس لدي معلومات مؤكدة ولكن ده احتمال موجود .

س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟

ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه .

س14 : ولمن يصدر رئيس الجمهورية علي وجه العموم هذه الأوامر ؟

ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك .

س15 : وهل يجب قطعا علي من تلقي أمر تنفيذه مهما كانت العواقب ؟

ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر مصيرية لازم يناقشه .

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين الصادر منه شخصيا ؟

ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا .

س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟

 ج17: يسأل في ذلك مساعديه الذين ابلغوه هل هو علي علم أم لا .

س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟

ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات . 

س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟

ج19 : هذه مسئولية جهات التحقيق .

س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة التظاهرات دون العرض علي رئيس الجمهورية؟

ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه هي خطة وتدريب موجود في وزارة الداخلية .

س21 : وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة وذلك من منظور ما وصل لعلم سيادتك ؟

ج 21 : معنديش علم بذلك .

س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس المتظاهرين..هل كان أمر استعمالها يصدر من حبيب العادلى يصدر من حبيب العادلى ومساعديه بمفردهم ؟

ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها .

س23: هل يصدق القول تحديداً وبما لا يدع مجالاً للشك أو الريبة أن رئيس الجمهورية السابق لا يعلم شيئاً أو معلومات أيا كانت عن تعامل الشرطة  بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها ؟

ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش .

س24 : هل هناك اصابات أو وفيات لضباط الجيش ؟

ج 24 : نعم هناك شهداء .

س25 : هل تعاون وزير الداخلية مع القوات المسلحة لتأمين المظاهرات ؟

ج 25 : لأ .

س26 : هل أبلغت بفقد ذخائر خاصة بالقوات المسلحة؟
ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة .

س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟

ج27 : هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات .

س28: هل تم القبض على عناصر أجنبية في ميدان التحرير وتم إحالتهم للنيابة العسكرية ؟
ج28: لا ..لم يتم القاء القبض على أى أحد .

س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟

ج29 : لم يحدث .

 

س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟

ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب .

رساله رقم 60 من المجلس الأعلى للقوات المسلحة - اللي عنده ائتلاف ييجي واللي معندوش ميجيش

عزيزي المجلس العسكري - ماذا تريد ؟

رسالة المجلس الأعلى للقوات المسلحة رقم 58

من شعر تميم البرغوثي

يا شعب مصر اللى سابقة ضحكته غضبه
ما يطلع الصبح إلا وصحبتك سببه

يا مخلص الأرض من وحشتها فى الأكوان

يا حجة الشمس تفضل طالعة ساعة كمان

مستأذنة وهى مش عادتها الاستئذان

متونسة بالميدان وبعشرته ونسبه

يا شعب يا مصلي قدام العساكر صف

يجري الجريح من ورا لقدام

لا خاف ولا خف

تدوس عليه العربية تحوله لميت الف

يا للعجب يقتلوه ويتوقعوا هربه

يا للعجب يقتلوه ويتوقعوا غيابه

اللي اتقتل لسه واقف هو واصحابه

ما بهدل الامن غير من ماتوا واتصابوا

والصبح ما نور الا اما الشموس غربوا

اضرب عليا انا مش جاري يا قناص

من امتى خوفنا يابن الكلب ضرب رصاص

كل اللي شاف الشهيد بقى تاره تاره الخاص

الدم صاحي وعنيد ولا تقبلوش تربه

يا شعب ياللي دفع تمن الشوارع دم

احفظ اسامي اللي ماتوا في الشوارع صم

الشارع اللي اصطفى وقصر الامارة لم

ملوك قليلة الرباية ركبوا واتركبوا

شعب بغزالة اتخنق قلب التاريخ في يومين

لابس عباية جحا وهو صلاح الدين

بيكرم الانبيا ويهزأ السلاطين

والفجر خيله وحبات الرمال عربه

يا شعب مصر اكم فرعون وفرعونة

ضربتهم ضرب سجادة في بلكونة

ضرب الملوك تربية صالحة ومضمونة

ما يبقوا بني ادمين الا اذا اضربوا

ضرب الملوك مصلحة

ضرب الملوك تأديب

محلى المماليك وهي بتجري في السراديب

ولولا ضرب شجرة الدر بالقباقيب

مابين اغا وباش اغا كان التتار غلبوا

بعدين مبارك سادات فاروق ماحدش دام

هو احنا شعب كده ما بيعيشلناش حكام

عقبال جيرانا وحبايبنا كمان يا سلام

لو كل من له رئيس نصحى نلاقيه قلبه

يا مصر لسه ولسه الثورة بلة ريق

ما ينتهيلك طريق الا ويبدا طريق

يا شعب مصر تعالى نتفق يا شقيق

رج الملك قبل ما تنعم عليه بلقبه

رجه كده شوفه ان كان الملك شغال

واسأل عليه المكوجي واسأل عليه البقال

واهم حاجة في صفاته انه يكون يتشال

متربي عال لما يمشي يلتزم ادبه

بتكون في احسن حالاتك وانت مش محكوم

بتبقى رايق ولا ظالم ولا مظلوم

بعدين ده ايه الغبي ده اللي يهددك بالشوم

يا مخلي الف احتلال ينزل على ركبه

يا شعب انت اللي كارم كل من حكمك

الدولة دي عارفة تحكم بس من كرمك

كشر لها وهي حتجيلك تبوس قدمك

مافيش حاجة اسمها مليون راجل اتغصبوا

سايق عليك النبي ما تقول كفاية يا شيخ

الملحمة لما تخلص يبدأ التاريخ

وبكرة جاية حروب فيها بكا وصريخ

وبكرة نصرك يخض الشمس من لهبه

سايق عليك النبي ما تقول كفاية كده

من النهاردة انتصاراتك حتبقى كده

يا شعب مصر اللي رجالته وبناته كده

حلال عليه لبن العصفورة لو طلبه

سايق عليك النبي ما تقول كده كفاية

إفرح وكمل وما تقولشى كده كفاية

الثورة دى بداية زى الهجرة والميلاد

الثورة دى بسملة كمل بقى الآية

مع كل مرة قراية حسنها يزداد

والآية تجرى تسلم أختها الراية

من غير نهاية وحتى الوقف مش معتاد

وبكرة أيامنا تبقى حكاية ورواية

عن ناس يباتوا حفايا يصبحوا أسياد

خمسة وعشرين يناير يا شباب حصل ايه

لو قلنا يعنى على الساعة تلاتة الفجر

فى حد فينا طِوِل أو جد حاجة عليه

أو جاب سلاح أو ملايكة بشروه بالنصر

كان اختلف فينا إيه عن أى يوم قبليه

نمنا غلابة، صحينا احنا ولاة الأمر

كان عرش مصر ف أُوَضْنا واحنا ناسيينه

راميين هدومنا على شماله وعلى يمينه

طردنا عنه الحرامى غصب عن عينه

ونزلنا ع الميادين بإدينا شايلينه

بقوا الملوك فى الشوارع والعبيد فى القصر

وف يوم وليلة اكتشفنا ان احنا والنبى مصر

ومصر مش حد تانى غيرنا يعنى يا بيه

وكل واحد سأل طب كنا ساكتين ليه

وشعب مين اللى كانوا الزُّطِّ حاكمينه

بدولة شومة ومختومة بختم النسر

وكل واحد قرا اللى كان على جبينه

رفع بدمه يمينه هْدية وهداية

لو كانت الأنبيا ع المية مَشَّاية

لاجلك يا مصر مشينا باسمين ع الجمر

يا مصر وافتكرى أصل الدنيا نسايه

الملك ده حقنا ومفيش فراعنة جداد

إفرح وكمل وما تقولشى كده كفاية

الثورة ده بداية زى الهجرة والميلاد

مش بس مصر اتغيرت من وقفة الميدان

فيه مساحة ضلمة نورت فى طبيعة الإنسان

فيه حاجة ف طبيعة البشر زى السمع زى البصر

زى اكتشاف القدرة ع الطيران

فيه حاجة كت ضايعة وبانت

خلت الأمة استعانت

عالشقا بالله فهانت

هذه الدنيا على الفتيان

ارقينا وارقيهم يا عم الشيخ

فى حاجة خلت يشمك التاريخ

ينزل عن الوجه الجميل فيبان

والخلق كانوا مدركين

لكنهم مش كلهم متأكدين

لحظة ما شافوا بعضهم جوة المظاهرة

اصبحت واضحة وظاهرة نعمة الرحمن على المستضعفين

وصلت رسالة ربهم من كل زهرة كل زفرة

كل نفرة كل زحمة في كل حارة او خناقة في الاشارة

كل كلمة حق

او ضحكة ولد او بنت

كانت دعوة مستورة الى العصيان
فى حاجة أصلا فى الطبيعة تدعو للثورة على السلطان

شوف الشجر رغم الحجر طارح ثمر زى الخبر وبتعلنه الأغصان

شوف الهوا حب اللِّوا فبقوا سوا هبَّة لها ألوان

شوف القمر يفضل قمر تحت الحصار

رغم اقتناعه إنه هايموت قبل ما يشوف النهار

تحصل مفاجأة تطلع الشمس ف حضوره

يختلط نورها بنوره

تشبهه ما تقولش واحدة من ولاده

هى معناه وامتداده

واخدة منه الموهبة والبغددة

وعشان كده

لغة يقولوا عنهم القمران

شوف النجوم ما لهاش نظام حاكم

تكسر كلمة العالم

يبص ويبقى مش فاهم

وهو شايفها ماشية بكيفها فى الأكوان

يا سما هويتك

انت بيتي وقلبي بيتك

تشبهيني واشبهك بالمعنيين

الشبهة يعني والشبه يام النجوم الفلتانين

وباموت انا في فلتانك الامني

لإنه عبقري وفني

وفيه منطق من الموجود في كل جنان

وبرضه باحبه بس كده عشان فلتان

فيه حاجة غامضة بتكتشف

هى اللى بتخلى الحصان اللى اتحدف

من بطن أمه ولسه مش عارف يقف

يقزح ويجرى ويعرف انه حصان

فيه حاجة بتخلى السجين المستكين فى كل حين اشطر من السجان

فيه حاجة بتخلى القوى عيِّل قوى وبيتلوى من نكتة الغلبان

فيه حاجة بتخلى عيون الخلق ما تنامشى

وبتخلى المدن تمشى

وتخرج زى كلمة حق من غير قصد مابترجعش لو طلعت

وم الأسمنت والأسفلت يفلت فلت نهر مقدس الجريان

فليحذر السلطانُ زحف الغابة

والورد إذ يستأنس الدبابة

داب الحديد من لمسته دوبان

فيه حاجة خلت خطة الموت ترتبك

عابس وعايز يشتبك

خاف من ضحية جاية ناوية تاخده بالأحضان

وإذا بهذا الفجر يا اخواننا اتولد بيننا

وكنا احنا بنستنى وهو كمان بيستنا

واتاريه بس عايز إذن منا وهو فى يميننا

فلما أذنا خد منا وعطانا أمان

يا فجر يا سابق صياح الديك

يا شعب يا مشبك إيديك فى إديك

وكأنها خط الثلث فى آية القرآن

إديت لآدم معنى تانى زاد على كل المعانى

وربنا قال هو ده قصدى وده غرضى

كده بالظبط لا زيادة ولا نقصان

يا مصر وانت لسه في البدايات

بكرة اللي جاي اعظم م اللي فات

يا مصر قومي وبصي في المرايات

كان كل واحد في الميدان جايب معاه مراية

رافعها للسما

اشكال والوان كلها مرفوعة في العالي

صبحت مراية واحدة بتلالي

وبقت يا مصر الارض صورة للسما

لعبة بازل متكاسرة الاجزاء

لما البشر يتجمعوا تبان السما ع الارض

واما البشر يتفرقوا تلقي السما بتنفض

تبقى سما متوزعة جوه الشقق

وتمر ليلة من التوجس والقلق

وننام ونصحى تاني يوم

ترجع سما لما البشر يتجمعوا مع بعض

يا مصر حقك تملكي بدل السما اتنين

واحدة هدية وواحدة تانية صانعها مصريين

يا مصر لو دققتي حتلاقي البراق

بيجر عربية فواكه في الحواري الضيقة

شوفي الصحابة والحواريين على القهوة

بيتناقشوا بحرارة

والسما على مد ايدهم مستشارة طيعة ورقيقة

شوفي المساجد كت تشاور ع السما

صبحت تشاور ع البشر وتقول اهما يا سما

بصي وشوفي

وابقي قول لكل صوفي

وهو طالع لك طريق المعرفة اتغير

يوصل م السما للارض

لا يتوه ولا يحير

وشوفي الخلق وسط الموت تقابله وهي بتهزر

فيتلخبط ويتبعتر

وسر الدنيا يتفسر

ونعدلها ونوزنها

باقول يا مصر قومي وبصي في المرايات

في سما الولاد هم اللي عاملينها

بيشوفوا بعض في وش بعض

كأن انا انت وهو انا واحنا الكل

احنا ف مرايا بعض بنصبح صباح الفل

افدي بروحي كل واحد في المرايا طل

افدي الشهيد اللي بيتبسم

الفجر توب على قده متكسم

والله اعلم مين من الاتنين في صاحبه حل

افدي اللي سهران ع الخيم في الطل

وافدي اللي واقف يشتغل في الضل

وافدي اللي شايل للعناد اشارات

يهدي التاريخ صوب الميدان لو ضل

وافدي اللي واقف هاري نفسه كلام

وافدي اللي يتريق على الحكام

وافدي اللي رايح جاي ما بيتعبش

وافدي اللي جنبه حط فرشة ونام

وافدي طويل البال ما يتعصبش

وافدي المصاب اللي شوية وطاب

وافدي المصاب بهوى التراب وما طابش

وافدي اللي صاب البلطجي وما اتصابش

وافدي المقام العالي في التحرير

دولة بلا امرا وشعب امير

اعلم يا هذا الجيل ان الوطن بشره

لو مصر مالهاش نيل كان شعبها حفره

مش وصلوا بحرين وبنوا جبال اتنين

وف ظرف أسبوعين على خوفهم انتصروا

والخوف ده شىء معروف بيفرعن الحلوف

رزق الملوك الخوف من غيره يندثروا

رزق الملوك بقشيش من خوفنا شعب وجيش

ومفيش ملك بيعيش لو شعبك افتكره

ناس لسة فى العشرين نازلين على الميادين

بيهزأوا السلاطين من غير ما يعتذروا

يا شعب يا مجنون

علم شعوب الكون

اللي اخترع فرعون

قادر يجيب خبره
يا سادة الايام يا رافعين الهام

من بكرة بر الشام نادر لكم شجره

نادرها تين وزتون فى القدس ينتظرون

جيش ع الغلابة حنون وعلى العدى ضرره

دافعين تمنها دما

يا امة الكرما

شعبك كأنه سما

والدنيا دي مطره

يا مصر حمد الله ع السلامة

مطر ونازل بدون غمامة

مطر يا سيدي نازل وطالع

كأنه مدنا والارض جامع

والارض دي مظاهرة في الشوارع

تسقي السما جدعنة وشهامة

مطر وطالع يقول لربه

الامهات اللي في مصر ربوا

ويا بنات مصر قوموا حبوا

اجمل ما في الراجل الكرامة

مطر وطالع ع الفجر يدن

طلعت بنات مصر حلوة جدا

في الحرب والدنيا نار ومعدن

طايرة وشايلة السما اليمامة

خمسة وعشرين من شهر واحد

الفين وعشرة وزادوا واحد

كنا ملايين وكنا واحد

حددنا موعد يوم القيامة

قلت لصحابى انزلوا وانا بعيد عنهم

وقلت من بات فى بيته سلم اصحابه

وانا اللى غبت وهمه اللى هنا اتصابوا

نزلوا الشباب الميدان وانا بعيد عنهم

كسروا الشباب البيبان وانا بعيد عنهم

خرج الشباب م البيوت وأنا بعيد عنهم

دخل الشباب فى الموت وانا بعيد عنهم

يا موتى قوم امتحنى أعتذر منهم

اشمعنى يا كلب تستثنينى من بينهم

يوم الخطر قبلها ما كنت اجبنهم

يا موت تعالى اعوض غربتى ومنفاى

يا موت تعالى أحاسبك ع القديم والجاى

يا موت تعالى ونتقاسمك أنا وعداى

ولا تطال عزوتى وانا بعيد عنهم

بس الحكومة قالت لي انت مش مصري

انت فلسطيني يعني اجنبي حصري

طيب يا بيه يعني بلاد الشام بلاد اروام؟

اعيد كلام قلته ميت مرة ده يبقى كلام؟

مش ام هاشم بلدها السيدة زينب؟

مش الحسين في الحسين ولا لازم له جواز؟

ولا حيختار مابين مصر وعراق وحجاز؟

والمرسي والشاطبي جم م الاندلس الاتنين

من مرسية وشاطبة لو كانوا مش باينين

في اسكندرية اجانب ولا مصريين

اسماءنا هي بلادنا يا حسن يا حسين

اسماءنا زي العلم زي اللغة والدين

اسماءنا هي الوطن له دمنا لو عاز

واسمي خلالي في الارض العريضة ملاذ

وعزوة في كل دار تنطق حروفه تمام

وف كل دار ليا صحبة وليا اهل عزاز

كان نفسي يا مصر يتأكد كلامي بدم

والدم يا مصر برضه ع المحبة قليل

قالوا لي بتحب مصر قلت مش عارف

هو الهوى يبقى جارف لما اقول جارف؟

واقعد أألف أغاني عن جمال النيل

وحكاية الشرب ميت مرة وهرم ونخيل

ولا الهوى الحق هو اللي يهد الحيل

واولى شيء في الهوى يا مصر شيل الهم

ياللي تحب النبي ايدك معانا وشيل

الحب اتقل من اسمه واسمه نفسه تقيل

وفي التباس المحبة ع المحبة دليل

ما تعرف اللي اصابك عشق ولا تعب

والشوق بيقلب مع الحرمان ساعات بغضب

والصبر بس اما يخلص يبقى صبر جميل

يا اهل مصر

وانا اهلي في مصر عرب

اهلي عزازمة وعشايرة الخال وخال الخال

ما بين شراقوة وصعايدة بدو في الحالتين

قولوا لي دولا عرب او دولا مصريين

او دولا الاتنين سوا في الحل والترحال

بعدين انا اسمي تميم وحاروح من اسمي فين؟

مش فيه في مصر قريش؟

قالوا البراغتة قريش

من بيت عدي بن مرة والنسب عمري

حطوا الحدود والعشيرة واحدة في البلدين

وسلك شائك فرق من قالوا ليه او ليش

وكنت اطنش لو ان البحث ده نظري

لكن ده فيه دم سال

واسأل رفح وعريش

واسأل ملوك ترهن الاقصى برغيف العيش

واسأل حدود تحرم المسلم من الحرمين

واسأل في غزة الوف في الحرب متحاصرين

ويخيروني العيال في حب اب وام

انا ابن رضوى ومريد

اسمي تميم من تم

وكل دار للعرب لي فيها خال او عم

واللي يقول غير كده بيني وبينه الدم

مين اللي يثبت ومين يجري يلم الديل

شد الكلام عمته واختار اعز جواد

ورد قاصد بلاده والهوى رداد

وابن الاصول اللي ما يبدل ببلاد ببلاد

والغربة مرة ولو كانت هدومها جداد

في مصر بعد السفر وجد الكلام معناه

واهل مصر صحابي واولياء الله

يا اوليا لسه في العشرين وفي التلاتين

يستنجدوا المؤمنين في المأزمة بيكم

يا فارجين الكرب بين العرب عناوين

منعني عنهم مطار القاهرة واسمي

واني لو جيت يقولوا اجنبي مسكناه

مسكنا واحد اهو له مديح في حزب الله

يتهموا اصحابي بيا مش انا بيهم

واضر لي ستة سبعة اكون في وسطيهم

ع بال ما خلص الكلام ده النصر كان مضمون

القلب فرحان ولكن اتعبه منفاه

وهده بعده عن اللي عاش بيستناه

ما فضلش غير انحني حبا واقول الله

الله افردني عنهم وجمعهم

لكي اراهم على بعد واسمعهم

قد فاز فوزا عظيما من قضى معهم

لما تشوف الشهيد تبقى السلامة خجل

وتبقى عايز تقول له يا أخى آسف

طب قول لى بس اعمل ايه، لو يعنى فيها عمل

اللقمة دى لك نصيب فيها باشيلهولك

واشيل نصيبك من القاعدة وكاسات الشاى

لكن نصيبك فى أنفاسى أشيله إزاى

وازاى أشيللك نصيبك من فرحنا الجاى

ساعات ألاقينى باطلب خط محمولك

بعمل فى نفسى كده ليه، لسه مش عارف

وروح على القهوة أسأل، هو جه وسأل

من قال لك الموت طبيعى يبقى مش شايف

الموت ده شىء مش طبيعى الموت ده أصله خلل

الأصل فينا الخلود وهييجى يوم نلقاه

ما تحسبوش الشهيد حط فى إيديكو حياة

ما موتوش هو وحده اللى برصاصة رماه

ده طخ ابنه اللى لسه ما اتولدش معاه

وطخ أولاد ولاده لآخر الأيام

موت معاه بشرية كاملة محتملة

عدوا بقى فيها كام شاعر وكام رسام

وكام طبيب عبقرى بين الأطبة إمام

وفيلسوف له على حكم الليالى كلام

وبنت نظرتها تشفى القلب من داؤه

فى شعب كامل رحل ما عرفش أسماؤه

فيجسم كل شهيد فيه مصر مكتملة

فخلوا مصر اللى فاضلة تعيش كما شاؤوا

من مدونة مالك مصطفى

رجاء النشر على اوسع نطاق، خدوا كوبي من عندي وانشروها على مدوناتكم:

قام المركز المصري للحقوق الاقتصادية والاجتماعية
ecesr.com
بمقابلة وزير القوى العاملة احمد البرعي, بناء ع شكاوي عديدة وصلت للمركز عن ظروف عمل مجحفه لاشقاء فلسطينيين وسودانيين, وقد تعهد السيد احمد البرعي, بحل كل تلك المشكلات.
وعليه يتقدم المركز لكل الاشقاء الذين لديهم مشاكل خاصة بظروف العمل التقدم بشكاوي مكتوبه له لحلها.
عنوان المركز
1ش سوق التوفيقية وسط البلد الدور الرابع القاهرة